عائلة القدرة

عائلة القدرة

موقعنا غذاء لارواحنا ينهض بفكرنا ويجمعنا دائما
 
البوابةالرئيسيةاليوميةمكتبة الصورس .و .جالتسجيلدخول
أهلا وسهلا بكم في منتدى عائلة القدرة

شاطر | 
 

 [b]الفرق بين الزوجة الاردنية والزوجة السورية؟؟؟[/b]

اذهب الى الأسفل 
كاتب الموضوعرسالة
rasha s alqedrah
عضو جديد
عضو جديد
avatar

انثى
عدد الرسائل : 256
العمر : 37
الموقع : دبي
العمل/الترفيه : ربة بيت
المزاج : coooool
تاريخ التسجيل : 27/03/2009

مُساهمةموضوع: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 12:28 pm

الفرق بين الزوجة الاردنية والسورية



اذا وقع زوجها عن الدرج:
السوريه : ولي على آمتي، سلامتك حبيبي أنشاء الله ، انا ولا انتا ابن عمي ( ميته خوف عليه )

الاردنية : شو مالك دخت ؟ الله ما برمي الناس بحجار خطيتى الله لا يردك ( بتستناه يموت علشان تورث)


اذا الزوج بدو يسافر:
السوريه : انتبه لنفسك ابن عمي، جهزتلك الشنطه، كتّر خيرك على الاغراض اللى اشتريتها، بيكفوا سنه الله لايحرمنا من دخلتك علينا، أولي على آمتي، تروح وترجع بالف سلامه

الاردنية :أسبوع مبوزة قبل السفر، وكل شوي دموع، ومتى بدك تروح؟ ومع مين بدك تطلع هناك آه ؟ مش تتطلع عالبنات !! إحلف إنك مش رايح تروح على أماكن فيها بنات! ما تتأخر بلاش ينقصنا إشي وانت مسافر. وكل يوم بتتصل بالتلفون عشان تشوف وينك و تحكيلك إنه الولد سخن، وبنتك بدها تموت، كل المصايب بتقلك اياها بتلاحقك فيها وين ما تروح ( هوايتها نكد )

إذا الزوج تأخر بره فى شغل او مع صديق:

السورية : شو إبن عمي ! غلي ألبي عليك تؤبشني يا حءء وكثير شغلتلي بالي، تؤبرني ما تتأخر عليي كثير مره تانيه عشان بشتائلك أنا ( يؤبرني دلع الشام )


الاردنية : شرّفت !! وين كاين؟ مهو أنا كاينه حيوانه في الدار، طول نهاري أكنس و أمسح !! مع مين من أصحابك الهمل كاين تتصرمح ؟ إيش جبتلنا معاك ؟وللا جاي إيد قدام وإيد ورا، كويس عرفت إلك دار وروحت ( لا تعليق)


إذا طلبت شى منه :
السورية : إبن عمـــــــــي تؤبشني تؤبر ألبي ( كله تؤبــر) حبيب ألبي فيك تجيبلنا شي حلو من دياتك الحلوة وعلى زوئك شو بعشق زوئك أنا ياحياتي.

الاردنية : إغلط مرة وجيبلك شغله حلوة معك بقلاوة وللا كنافة بدي أحلي تمّي إللي مرّر من هالعيشة إللي بتقرف ( هاى طخها حلال )


إذا جابلها هدية :

السورية : يسلّملي إياك ابن عمي حبيب ألبي، يااااااي شو بتجنن عنجد عنجد زوئك بيعئد تؤبشني بتجنننننننننن الله لايحرمنى منك يا عمري

الاردنية : والله غاب وجاب، وياما جاب الغراب لمه، من وين جايبها وقديش حقها هاي، الله يقطع هيك ذوق مش لو جبتلنا طبخة للدار أحسن ( حسبي الله )

اذا بدك شي منها :

السورية : من عيونى ابن عمى تؤبرنى بتؤمر أمر ابن عمى ولووو غالى والطلب رخيص، شو بعبد سماك انا دخيلو انا شو بحبووو على راسى حبيب ألبي

الاردنية : مهو حرام نريح شوي، لازم حياتي تظل تعب ونكد، هو فش غيرك فى الدار؟ مش فاضية، ولا أقلك اطلع من الدار حل عنى روح شوفلك شغله سويها، فقعت مرارتى من شغل البيت اففففف اففففف.


لو طلبت منها فنجان قهوة :

السورية : من عيونى ابن عمى، أحلا فنجان بن من دياتى يستاهل تمك، وبدياتى راح شربك كمان، تعبك راحة ابن عمي، ما في اغلا منك حبيب ألبي ( تخيل فنجان القهوة بس )

الاردنية: بدك قهوة ؟ هي اخوانك مرميين فى الحوش روح اشرب معهم، ولا أقلك روح عن دار امك بتعملك، أترك شغلي وأعملك قهوة؟؟ هادا الي ناقص، ياااا رب موتني وخلصني من هالعيشة اللى بتقرف ( كل هادا علشان فنجان قهوة ريتو سم ياشيخة )

اذا حكالها (بدك شي؟) وهو طالع :

السورية :- تسلملى حبيب ألبي ابن عمى، مابدي غير سلامتك مكفينى من كل شى مو ناقصنى شى تسلملى ياحءءءء بس حبيب ألبى ما تتأخر كثير بشتائلك انا ابن عمي، بدك اعملك شى لمن ترجع؟ ( بتكون غبى لو طلعت وتركتها )

الاردنية : لأأأأ (مع تبويزه طولها شبرين)... بديش إشي، وين بدك تروح؟ ومع مين بدك تقعد؟ ان شاء الله بتطوّل وبتخلّيني لحالي زي الهبله، ولا أحكيلك، جيب معاك حفاظات للولد وإنت جاي.


الذوق والتنويع فى الاكل:

السورية : سلطات، تبولة، فتوش، محاشى، شوربات، كبه بأنواعها، محمّر، مشمّر، يعني سفرة عامرة من كلّه، والله لو ماعندها بقدونس راح تعملك تبولة هههههههههه بيكفى انها راح تقعد جنبك وتفتح نفسك على الأكل، بتحكيلك عجبوك ابن عمى دوء هاي من ايدي، طيب كمان هاي دوءها واحكيلى شو رأيك، طيب هاي كمان وحياتي عندك لتاكلها من ايدي ابن عمى نفسك بشي وماعملته ؟ صحتين على ألبك ابن عمي...

الاردنية : لو عندها كل أنواع الخضار، والثلاجة مليانة اغراض ولحمه وسمك، هو فش غيره طبيخ مقلوبة أو ملوخية أو فريكه، وإذا غلبت حالها صينية بالفرن، هذا اذا كنت محظوظ و ما حكتلك فش بندوره و خيار روح اشتري، أو خلص الغاز في نص الطبخه، روح جيب غاز اذا بدك توكل.


طبعا بوزها عالسفره شبرين، وبتبلش ضرب بالولد عشان كب الصحن، و حديثها بيكون كالتالي: اليوم إجت فواتير الكهربا والميه، متى بدك تدفعهم ؟ اليوم انكسرت إيد الحنفية وأنا بجلي، روح جيب المواسرجي يصلحها بس تخلص أكل، إبنك بدو عشرين ليره يشتري كندره.


وأهم أشي: بس تخلّص أكل ودّيني عند اهلي، طلعت روحي طول اليوم فى المطبخ ( يعني عاملة الغنايم ما شالله ) ... خليها تروح يمكن تنفتح نفسك وتاكل زي الخلق.






سبحانك اللهم وبحمدك، أشهد أن لا إله إلا أنت، أستغفرك وأتوب إليك


عدل سابقا من قبل ابوحنين في السبت مارس 28, 2009 12:51 pm عدل 4 مرات (السبب : اخطاء املائية كثيرة)
الرجوع الى أعلى الصفحة اذهب الى الأسفل
https://facebook.com
ابوحنين
مشرف منتديات
مشرف منتديات
avatar

ذكر
عدد الرسائل : 646
العمر : 41
الموقع : www.kooora.com
المزاج : طنش
تاريخ التسجيل : 18/02/2009

مُساهمةموضوع: رد: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 12:59 pm

والله شي حلو كتير شوفيلنا عروس سورية معناته
هههههههههههههههههههههههههههههههه

_________________
الرجوع الى أعلى الصفحة اذهب الى الأسفل
http://www.kooora.com
هودي

avatar

انثى
عدد الرسائل : 59
تاريخ التسجيل : 17/03/2009

مُساهمةموضوع: رد: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 1:02 pm

ههههههههههههههه والله كلامهم زي العسل

عقبالنا ما نصير نحكي تابرني ابن عمي

تحفر ابري بالابره tongue
الرجوع الى أعلى الصفحة اذهب الى الأسفل
rasha s alqedrah
عضو جديد
عضو جديد
avatar

انثى
عدد الرسائل : 256
العمر : 37
الموقع : دبي
العمل/الترفيه : ربة بيت
المزاج : coooool
تاريخ التسجيل : 27/03/2009

مُساهمةموضوع: رد: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 2:10 pm

شكرا للتعليق
بس بصراحه
مافي احلى ولا احسن ولا ارق من بنات خانيونس وخصوصا بنات العيلة؟؟؟
الرجوع الى أعلى الصفحة اذهب الى الأسفل
https://facebook.com
هودي

avatar

انثى
عدد الرسائل : 59
تاريخ التسجيل : 17/03/2009

مُساهمةموضوع: رد: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 3:06 pm

مممممممممممممممممممممممم بنات خانيوس وبس ؟؟؟

ومالهن بنات طول كرم ؟؟؟؟ هههههههههههههههههههههههههه

وكمان لازم بنات العيله احم احم
الرجوع الى أعلى الصفحة اذهب الى الأسفل
ابوحنين
مشرف منتديات
مشرف منتديات
avatar

ذكر
عدد الرسائل : 646
العمر : 41
الموقع : www.kooora.com
المزاج : طنش
تاريخ التسجيل : 18/02/2009

مُساهمةموضوع: رد: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 4:25 pm

هودي كتب:
مممممممممممممممممممممممم بنات خانيوس وبس ؟؟؟

ومالهن بنات طول كرم ؟؟؟؟ هههههههههههههههههههههههههه

وكمان لازم بنات العيله احم احم



على راسي والله بنات فلسطين كلهم
كله خير وبركة

_________________
الرجوع الى أعلى الصفحة اذهب الى الأسفل
http://www.kooora.com
rasha s alqedrah
عضو جديد
عضو جديد
avatar

انثى
عدد الرسائل : 256
العمر : 37
الموقع : دبي
العمل/الترفيه : ربة بيت
المزاج : coooool
تاريخ التسجيل : 27/03/2009

مُساهمةموضوع: رد: [b]الفرق بين الزوجة الاردنية والزوجة السورية؟؟؟[/b]   السبت مارس 28, 2009 4:34 pm

ا انت الاصل يا هودي وحقق علينا
واحلى بنات فلسطين
الرجوع الى أعلى الصفحة اذهب الى الأسفل
https://facebook.com
 
[b]الفرق بين الزوجة الاردنية والزوجة السورية؟؟؟[/b]
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عائلة القدرة :: ®§§][][منوعات وثقافة عامة][][§§®~ :: اضحك معنا-
انتقل الى: